رسالة هامة من شباب أبنوب في أيطاليا لذويهم بشأن كورونا

أهالينا في أبنوب بالله عليكم، بالله عليكم بالله عليكم تاني، ياريت تسمعوا الكلام اللى هيتقال دا كويس، وياريت نركز فيه كويس جدا، اللى بيقول الكلام دا هو حد من أبنوب، ومقيم في ميلانو في إيطاليا، وبعت الرسالة دي لصوت أبنوب، علشان توصل لكل الناس خاصة في بلده أبنوب.

اللى بعت الرسالة قال فيها، إنه علي مدار اليوم كامل بيموت في إيطاليا حوالي٤٠٠ حاله، وبتوصل أوقات تاني لـ ٥٠٠ علي مدار اليوم الواحد، تخيل في اليوم الواحد فقط.

الحكومة الإيطالية هنا، عملت حظر تجول منفعش، وعملت حجر صحي إيطاليا كلها منطقه حمرا علشان، كلها إجراءات علشان تحافظ على الناس.

تخيلوا إننا ننزل نجيب أقل حاجة بنكتب علي نفسنا تقرير رايح فين وجاي منين، إحنا هنا عايشين في رعب على نفسنا وعلى اولدنا علشان في الأول استهترنا، وكنا فاكرين أن الوضع سهل وان ما فيش حاجه فاجأه البلد اتقلبت لصوت إسعاف فقط رايح جاي المستشفيات أتملت، ومفيش مكان لأي حالات جديده وبيقوا بتابعوا الحالات الجديده في بيوتهم وانتا وحظك.

بقي المرض وصل إيطاليا إلى معروفه بالصحة الحلوة، وأن الطب يعلن أن الحالات أصغر سنن ليهم الأولويه في جهاز النفس أما العواجيز، عاشوا سنهم خلاص هما ونصيبهم.

إحنا هنا توفي من الجاليه المصريه فرد اسمه احمد من المنصوره، وكذا عيله مصريه مصابه، وربنا معاهم ويشفيهم أنا بس عايزه أوصل لكل الناس والله والله والله الوضع صعب التزمو الحظر بالله عليكم متستهتروش، بلاش سوق الخميس وزحمته بلاش أي مكان مزدحم الله يرضى عليكم.

هاتوا كحولات وعمقموا اديكم وعمقموا بيوتكم وخلي بالكم ع أولادكم مينزلوش ولا يختلطو بحد انا قولت إلى يخلصني من ربنا وانتوا أحرار وعلى الرسول الا البلاغ.

الجدير بالذكر أنه سيتم عمل مجموعة لأبناء مدينة أبنوب المقيمين في أيطاليا لتوصيل الصورة لذويهم واقاربهم وكل أهالي مدينة أبنوب وأسيوط، وتقديم نصائح لهم واقع تجربتهم هم هناك وسط تفشي فيروس كورونا في ايطاليا، وماذا يفعلون هم يووميا في حياتهم وسط قطع أرزاقهم ، وقلة الحيلة في الخروج وممارسة حياتهم الطبيعية.

يرجي إضافة شباب أبنوب في إيطاليا على الجروب دا: 

https://www.facebook.com/groups/520363771999803/