أخويا وسندي وظهر بيتنا... النائب عصام العمدة ناعيا أخيه

  أخويا وسندي وظهر بيتنا... النائب عصام العمدة ناعيا أخيه

 

نعي اللواء عصام العمدة، عضو مجلس النواب عن دائرة أبنوب والفتح وساحل سليم

 والبداري، شقيقة الحاج خالد العمدة، والذي وأفأته المنية مساء أمس الجمعة 31 يوليو 2026.

وكتب العمدة ناعيا أخيه، (أخويا… وسندي… وظهر بيتنا… خالد العمدة، في ذمة الله)، الكلام بيعجز يوصف وجع الفراق، لكن مفيش غير الرضا بقضاء ربنا، إنا لله وإنا إليه راجعون.

خالد ما كانش مجرد أخ، كان راجل بكل معنى الكلمة. قلبه أبيض، وعمره ما شال من حد ولا كره حد. كان كريم، وبيته مفتوح لكل الناس، وما عمره رد إيد ممدودة ليه، ولا اتأخر عن حد طلب منه معروف أو وقف جنبه في شدة.

كان عمود بيت العمدة، واللي شايل هم الكبير قبل الصغير. مفيش بيت في العيلة إلا وله فيه فضل، ومفيش فرد كبير أو صغير إلا وكان ليه معاه موقف حلو، أو كلمة طيبة، أو وقفة رجولة وقت الضيق. كان سند للكل، وظهر للكل، وكل واحد فينا ليه معاه ذكرى عمرها ما هتتنسي.

عرفناه راجل أصيل، وجدع، وصاحب واجب، يفرح لفرحة الناس، ويجري على أي حد محتاج من غير ما يستنى شكر ولا مقابل. عاش عمره بيزرع الخير والمحبة، وساب سيرة طيبة هتفضل عايشة في قلوب كل اللي عرفوه.

يا خالد… وجعت قلوبنا برحيلك، لكن عزاؤنا إنك سبت بين الناس محبة وسيرة طيبة، وده أغلى ميراث يسيبه الإنسان بعد عمره.